जसपा नेपाललाई एमालेले भन्यो- समर्थन फिर्ता लिने निर्णय नगर्नुभएको भए राम्रो हुन्थ्यो (भिडिओ)

काठमाडौं । नेकपा एमालेले जसपा नेपालले अहिले समर्थन फिर्ता लिनुपर्ने अहिले कुनै कारण नभएको जनाएको छ ।

आज बसेको सचिवालय बैठकपछि उपमहासचिव प्रदीप ज्ञवालीले आफूहरुले बैठकको निर्णय थाहा पाएको भएपनि औपचारिक जानकारी नभएको बताए ।

उनले भने, ‘उहाँहरुले संसदलाई अहिलेसम्म जानकारी गराउनुभएको छैन । त्यसो नगर्नुभएको भए हुन्थ्यो । यसबीचमा कुनै कारण नै छैन। केही विषयमा उहाँहरु आफ्नो कुरा राख्नुभएको थियो ।’

उनले जसपा नेपालकै प्रस्तावमा आफूहरुले भूमि अध्यादेश निष्क्रिय बनाएको बताए। उनले समर्थन फिर्ता लिन निर्णय नगरेको भए राम्रो हुने बताए ।