काठमाडौं । प्रमुख प्रतिपक्ष दल नेकपा माओवादी केन्द्रले सरकारकै बैवास्ताका कारणले कानून निर्माणले तीब्रता नपाएको आरोप लगाएको छ ।
प्रतिनिधिसभाअन्तर्गत रहेको राज्य व्यवस्था तथा सुशासन समितिमा प्रहरी विधेयकमाथिको छलफलमा भाग लिँदै माओवादीका प्रमुख सचेतक हितराज पाण्डेले यस्तो आरोप लगाएका हुन् ।
उनले भने, ‘सरकारकै बेवास्ताका कारणले कानून निर्माणले तीब्रता पाएको छैन । समितिका सभापतिज्यूलाई पनि भन्न चाहन्छु, अख्तियार दुरुपयोग अनुसन्धान आयोग विधेयकदेखि संघीय निजामती सेवा विधेयक समितिबाट पारित भए पनि अघि बढ्न सकेका छैनन् । यो समितिको सभापतिको नेतृत्वको हिसाबले पहलकदमी पुगेको छैन ।’
प्रमुख सचेतक पाण्डेले प्रहरी विधेयकमा ५१ प्रतिशत महिला सहभागितालाई ध्यान दिनुपर्ने, राजनीतिक र प्रशासनिक हस्तक्षेत्रको अन्तरविरोधलाई ख्याल गर्नुपर्नेमा जोड दिए ।
उनले प्रहरी विधेयक छिटो पारित गर्नेगरी कार्यतालिका बनाएर लैजानुपर्ने बताए ।
Leave a Reply