ऊर्जामन्त्रीको जवाफ- उद्योगीको बक्यौता नियमसंगत ढंगले सरकारले उठाउँछ (भिडिओ)

काठमाडौं । ऊर्जामन्त्री दिपक खड्काले उद्योगीहरूसँगको बक्यौता प्रक्रियागत ढङ्गले उठाउने बताएका छन् । प्रतिनिधिसभाको बैठकमा सांसदहरूले उठाएको प्रश्नको जवाफ दिँदै बक्यौता नियमसंगत ढङ्गले संकलन हुने उनले बताए ।

भारतसँग विद्युत आदान प्रदान गरेर लोडसेडिङ अन्त्य गरिरहेको उनले सुनाए ।

खड्काले भने, ‘भारतमा हामीले विद्युत बिक्री पनि गर्छौँ । बर्खायाममा बेच्छौँ र हिउँदमा किन्छौँ, किन्ने बेच्न भइरहेको छ । हामीलाई चाहिएको बेलामा उहाँहरूले दिने उहाँहरूलाई चाहिएको बेलामा हामीले दिने गरिरहेका छौँ । विद्युत नभई लोडसेडिङ अन्त्य हुँदैन । त्यसै व्यक्तिले गरेर हुँदैन । आदान प्रदान भएर लोडसेडिङको अन्त्य गरिरहेको हो ।’

उनले बजेट पूर्ण रूपमा कार्यान्वयन हुने विश्वास पनि व्यक्त गरे ।