दमास्कसको एक चर्चमा आत्मघाती बम आक्रमण, २२ जनाको मृत्यु

काठमाडौं । सिरियाको दमास्कसमा रहेको एक चर्चमा आत्मघाती बम आक्रमण हुँदा कम्तीमा पनि २२ जना मृत्यु भएको छ ।

त्यहाँको स्वास्थ्य मन्त्रालयले ६३ जना घाइते भएको जनाएको छ ।

आइतबार साँझ ड्वेलामा रहेको प्रोफेट एलियासको ग्रीक अर्थोडक्स चर्चमा एक व्यक्तिले हतियारले गोली चलाएका थिए ।

आक्रमणकारी जिहादी समूह इस्लामिक स्टेट (आईएस) सँग सम्बद्ध रहेको बताइएको छ। समूहले भने कुनै दाबी गरेको छैन ।

प्रत्यक्षदर्शी लरेन्स मामारीले एएफपी समाचार एजेन्सीलाई बताएअनुसार ‘कोही व्यक्ति बाहिरबाट हतियार बोकेर ‘चर्चमा प्रवेश गरे’ र गोली चलाउन थाले। उनलाई विस्फोट गराउनु अघि रोक्न खोजे पनि सफल भएनन् ।’