काठमाडौं । वरिष्ठ अधिवक्ता शम्भु थापाले नेपाल प्रेसकर्मी उमेश कार्कीमाथि दुर्व्यवहार गरेका छन् ।
नेकपा एसको पार्टी कार्यालयमा रिपोर्टिङका लागि गएका कार्कीमाथि थापाले दुर्व्यवहार गरेका हुन् ।
उनले कार्कीले क्यामेराले तस्बिर लिइरहेका बेला क्यामेरामा हानेका थिए । यसरी थापाले क्यामेरामा आक्रमण गरेपछि त्यहाँ रहेका अन्य सञ्चारकर्मीहरुले विरोध गरेका थिए ।
नेकपा एसका अध्यक्ष माधव कुमार नेपाल रौतहटबाट फर्केपछि थापालगायतका कानून व्यवसायीसँग छलफल गर्न बोलाएपछि सञ्चारकर्मीहरु समाचार संकलनका लागि गएका थिए ।
अख्तियार दुरुपयोग अनुसन्धान आयोगले पतञ्जली जग्गा प्रकरणमा नेपालविरुद्ध भ्रष्टाचार मुद्दा दायर गरेपछि उनी छलफल र बैठकमा लागेका छन् ।
Leave a Reply