काठमाडौं । निर्देशक दिपेन्द्र के खनालले निर्देशन गरेको चलचित्र ‘के घर के डेरा : घर नं २’ को पहिलो गीत ‘आँखा’ सार्वजनिक भएको छ । सार्वजनिक गीतमा रिकेश गुरुङको स्वर, राम अविरल विष्टको शब्द र एसडी योगीको संगीत रहेको छ ।
प्रेम जोडीको कथा बोल्ने लिरिकल गीतको भिडियोमा चलचित्रका मुख्य कलाकार खगेन्द्र लामिछाने र उपासना सिंह ठकुरी छन् । प्रेमी-प्रेमिकाको एकअर्काप्रति प्रेम देखाइएको गीतको भिडियोमा चलचित्रका केही फुटेज समावेश छन् ।
सोसल ड्रामामा बनेको चलचित्र ‘के घर के डेरा : घर नं २’को कथा ‘कर्णाली ब्लुज’, ‘एक्लो’ र ‘फिरफिरे’ उपन्यासका लेखक बुद्धि सागरले लेखेका हुन् । यो उनको पहिलो चलचित्र हो । चलचित्रमा खगेन्द्र लामिछाने, निश्चल बस्नेत, उपासना सिंह ठकुरी, आर्यन सिग्देल, केकी अधिकारी, प्रकाश घिमिरे, श्रृजना नापित, संजोग रसाइली, रुविना घिमिरे, सुरज विष्टलगायत कलाकारलगायतको अभिनय छ ।
चलचित्र एप्पल इन्टरटेन्मेन्ट, ए प्लस इन्टरटेन्मेन्ट तथा नटराज क्रिएसनको प्रस्तुतिमा निर्माण भएको छ। कृष्णबहादुर थापाको छायांकन रहेको चलचित्रको निर्मातामा नकिमउद्दिन, शरद श्रेष्ठ र किरण महर्जन छन् । चलचित्रको कार्यकारी निर्मातामा भने युवराज कार्की छन् ।
Leave a Reply