पल शाह आफैं फिल्म निर्माणमा, विकास सुवेदीको निर्देशनमा ‘यानीमाया’ को घोषणा

काठ्माडौं । नायक पल शाह अब निर्माता बन्ने भएका छन् । नयाँ वर्षको अवसर पारेर पलले निर्माण गर्न लागेको पहिलो चलचित्रको घोषणा गरिएको छ । पल शाह फिल्मस्को व्यानरमा निर्माण हुन लागेको चलचित्रको नाम ‘यानीमाया’ राखिएको छ ।

यो चलचित्रलाई विकास सुवेदीले निर्देशन गर्दैछन् । विकासले फिल्म ‘प्रकाश, पुजार सार्की र महाभोज’को कथा लेखेका थिए । यो चलचित्रबाट सुवेदीले निर्देशनमा डेब्यू गर्न लागेका हुन् । चलचित्रको स्क्रिप्ट पनि निर्देशक विकास सुवेदीले नै लेखेका हुन् ।

फ्यामिली ड्रामा कथामा आधारित रहेर यो चलचित्र बन्नेछ । विकासले पहिला लेखेका तीनै चलचित्र सामाजिक कथावस्तुमै तयार भएका थिए । यो चलचित्र पनि उनले आफ्नै स्टाइलमा बनाउन लागेको सुवेदीको भनाई छ । चलचित्रको छायांकन असारबाट सुरु गरिने जानकारी निर्माणपक्षले जनाएको छ ।

चलचित्रमा कलाकारहरु भने फाइनल हुन बाँकी छ ।