काठमाडौं । अमेरिका बस्दै आएकी अभिनेत्री अरुणिमा लम्साल हालै नेपाल आएकी छिन् । केही दिनको नेपाल बसाइमा उनी आफूले अभिनय गरेको वेव सिरिज ‘घर बट इन अमेरिका’ को प्रमोसनमा व्यस्त रहने जनाइएको छ ।

तीन महिना अगाडि मात्रै नेपाली सिने नगरीमा अरुणिमाको वैवाहिक सम्बन्धका विषयमा नराम्रो हल्ला चलेको थियो । उनले आफ्नो सामाजिक सञ्जालबाट आफ्नो विवाह र श्रीमानसँगका सबै तस्बिरहरू हटाइदिएपछि मिडियाहरूमा समेत गसिप बनेको थियो । त्यसलाई लिएर अरुणिमाले अहिलेसम्म कुनै पनि प्रतिक्रिया दिएकी छैनन् । नत उनका श्रीमान् युवराज श्रेष्ठले नै मुख खोलेका छन् ।

अरुणिमा र युवराजले लगनगाँठो कसेको ८ महिना पनि भएको छैन । उनीहरुले गत भदौ ३ गते काठमाडौंकै राम मन्दिरमा विवाह बन्धनमा बाँधिएका थिए । विवाहको केही दिनमै अरुणिमा अमेरिका फर्किइन् । युवराज नेपालमै छन् । उनीहरुले विवाहपछि केही दिन मात्रै सँगै बिताएका थिए । यहीबीचमा उनीहरुको सम्बन्ध बिग्रेको हल्ला चलेको हो ।

अरुणिमा अमेरिकामा रहेकाले उनीसामु गएर माइक तेस्र्याउन अवसर त्यसबेला युट्यूवरहरुलाई मिलेन । अहिले उनी नेपाल आएपछि सबै अन्तरवार्तामा नछुट्ने प्रश्न नै यही हुनेवाला छ– के श्रीमानसँग डिभोर्स हुन लागेको हो र?
अरुणिमाको एउटा अन्तरवार्ता सार्वजनिक पनि भइसकेको छ । सुत्र नाम च्यानललाई दिएको अन्तरवार्तामा उनले गरेको सङ्केत सुखद छैन । अन्तरवार्ताकारले बारम्बार श्रीमानसँगको सम्बन्धबारे प्रश्न सोध्दा उनले खुलेर जवाफ दिन सकिनन् । उनको जवाफहरूमा सम्बन्धमा दरार आएको स्पष्ट सङ्केत मिल्छ ।

अन्तरवार्तामा गरिएका केही प्रश्नोत्तर यस्ता छन्ः 
जुन समाचारहरू आए नि त्यसबेला, खासमा भएको के थियो ?
खोइ त्यस्तो डिटेलमा त हामी गएनौँ । हामीले मिडियामा कतै हाम्रो झगडा भएको छ भनेर भनेको पनि होइन । श्रीमान्–श्रीमतीको सानोतिनो झगडा त भई नै हाल्छ । त्यो विषयलाई म अहिले यहाँ उठाउन चाहन्न ।

दर्शकहरू अझै पनि अन्योलमा छन्, अरुणिमा डिभोर्स दिन नेपाल आएकी हुन् कि भन्ने पनि सुनिएको छ नि ?
जे भयो भने पनि ‘अभियसली’ थाहा भई नै हाल्छ । म बताइहाल्छु । अहिलेलाई त्यस्तो केही पनि छैन ।

श्रीमान्–श्रीमतीबीचको सम्बन्ध राम्रो बनाउन के चाहिने रहेछ ? तपाईँको अनुभव कस्तो छ ?

यो फर्मुला थाहा भएको भए…को मान्छेलाई यो फर्मुला थाहा छ, उसलाई म गएर सोध्थेँ होला… यो फर्मुला त संसारमा कसैलाई पनि थाहा छैन । केले राम्रो बनाउँछ, केले नराम्रो बनाउँछ भन्ने फर्मुला थाहा भएको भए अहिलेसम्म कसैको डिभोर्स हुन्थेन होला । कतिको बिहे नै हुन्थेन होला । फर्मुला थाहा भए मलाई पनि कति राम्रो हुन्थ्यो होला ।

एउटा कुरा चैँ के भन्न मन लाग्छ भने, श्रीमान् र श्रीमतीबीच विश्वास चंै हुनुपर्छ । विश्वासघात भयो भने वा कुनै कुरा ढाँटेर लुकाएर केही गर्‍यो गर्‍यो भने चाहिँ त्यसले सम्बन्ध एकदम नराम्रो हुन्छ । विश्वासले सम्बन्ध निर्माण हुने हो । पछि आएर यस्तो रहेछ त्यस्तो रहेछ भन्ने भयो भने नराम्रो लागिहाल्छ नि ।
फर्मुला मलाई थाहा छैन भनिरहँदा घरमा सानोतिनो केही भाको त छैन नि ?
मैले भन्न खोजेको मतलब फर्मुला थाहा भएको भए त मेरो फस्र्टमै पनि डिभोर्स हुँदैन थियो होला नि त । फर्मुला पत्ता लगाउने मान्छे चैँ भेट्न पाए हुन्थ्यो ।

न्युजमा श्रीमानले चिट गरेको कारण तपाईँहरूको झगडा भएको भन्ने पनि आएको थियो, त्यो खालको कहिल्यै भयो र लाइफमा ?
अँ…खोइ..अब त्यस्तो त हाम्रोबीचमा कुरा भाको छैन । विश्वासघातको कुरा भएको छैन ।

विश्वास परिपक्व छ 
परिपक्व पनि खोइ के भन्ने रु (हाँसो) अलि उ नै छ । आइ मीन हामी त अझै सुरुवाती चरणमै छौँ, एक अर्कालाई राम्रोसँग चिनेको पनि छैन । चिन्ने नै फेजमा छौँ । थोरै दिनको चिनजान हो । ट्रस्ट पनि गर्न सकेको छैन, अनट्रस्ट पनि गर्न सकेको छैन ।

मागी विवाह कत्तिको राम्रो हुँदो रहेछ, तपाईँको अनुभवमा ?

मागिविहे नराम्रो भन्ने छैन । राम्रै हुन्छ । तर कस्तो भने मान्छे उ पर्‍यो, सच्चा पर्‍यो, माया गर्ने पर्‍यो, विश्वास गरेअनुसार व्यवहार गर्‍यो भने राम्रो हुन्छ । सम्बन्ध राम्रो हुनु छ भने मागिबिहेमा पनि हुन्छ, नराम्रो हुनु छ भने भागीविहेमा पनि हुन्छ । त्यसमा त्यो छैन ।

यो पनि पढ्नुहोस्