स्काईवेलका ग्राहकलाई कम्पनीले युरोप घुमाउने

काठमाडौं । अब तपाई पनि युरोपमा स्काईवेल ड्राइभ गर्न जाने होइन त रु नेपाली बजारमा पाइने लकजरी एसयुभी स्काईवेल ड्राइभ गर्ने ग्राहकलाई स्काईवेल नेपालले युरोप भ्रमणमा लैजाने भएको छ ।

स्काईवेल ड्राइभ–२०२५ नेपाल टु युरोप क्याम्पेनमा सहभागी भई स्काईवेल खरिद गर्ने हरेक ग्राहकका जोडीले यस अफर अन्तर्गत युरोप भ्रमणको अवसर प्राप्त गर्नेछन् । स्काईवेल विई ११ तथा स्काईवेल ईटी ५ खरिद गर्दा खरिदकर्ता जोडीलाई नै युरोप भ्रमणमा लगिनेछ ।

स्काईवेल युरोपियन बजारमा लोकप्रिय ब्रान्ड हो । युरोपेली सुरक्षा मापदण्ड अनुसार बनेको स्काईवेल विई ११ ले सिएनक्याप क्र्यास टेस्टमा फाईभ स्टार सेफ्टी रेटिन् समेत प्राप्त गर्न सफल भइसकेको छ । त्यसै गरी चीनमा निर्मित ईभीमा ईयु सर्टिफिकेट प्राप्त गर्ने पहिलो प्रडक्ट पनि हो ।

आरामदायी, सुरक्षित र सोलिड स्ट्रक्चरमा बनेका स्काईवेल नेपालमा उपलब्ध पहिलो र एक मात्र रियल इभी एसयुभी रहेको कम्पनीको दाबि रहेको छ । काठमाडौंबाट नेपालको कुनै पनि गन्तव्यमा सिङ्गल चार्जमा सजिलै पुग्न सकिने स्काईवेलले दिने ६२० किलोमिटरको रेन्जले स्काईवेललाई युरोपेली सडकमा समेत लोकप्रिय बनाउन सफल भएको हो ।

हाईअर स्पिड र लक जरी दुवै अपरिहार्य मानिने नेपालमा आउने चाइनिज इभी विरलै पाइन्छन् । जसमा स्काईवेलले भने बाजी मारेको छ । युरोपेली मुलुकहरूमा स्काईवेलले राम्रो सफलता हात पारेको छ । यो दावी गरिरहँदा यसलाई यथार्थमा पुष्टि गर्ने र ग्राहकलाई आफ्ना सवारी साधन निर्यात भएकै देशमा लगेर ग्राहकलाई एक्सपिरियन्स गराउने उद्देश्यका साथ स्काईवेलको आयातकर्ता जि मोटर्स प्रालीले यो विशेष योजना ल्याएको हो ।

स्काईवेल ड्राइभ–२०२५ नेपाल टु युरोप योजना अन्तर्गत स्काईवेलका जुनसुकै एसयुभी खरिदकर्ता कप्लसले युरोपमै गएर स्काईवेल ड्राइभको मौका प्राप्त गर्ने छन् । त्यति मात्र होइन सन् २०२५ मोडेलको जुनसुकै भेरीयन्ट टेष्ट ड्राइभ गर्ने ग्राहक पनि यो योजनामा सहभागी हुन पाउने छन् ।

यसका लागि आफूले स्काईवेल टेस्ट ड्राइभ गर्दाको अनुभव कुनै पनि सोसल मिडियामा शेयर गरी ह्यासट्याग टेस्टड्राईभ स्काईवेल, ह्यासट्याग स्काईवेल ड्राइभ नेपाल टु युरोप लेखे पुग्छ । यसरी टेस्ट ड्राईभमा सहभागी हुने ग्राहक मध्ये २ जना विजेताले समेत युरोप भ्रमणको अवसर र युरोपमै स्काईवेल ड्राइभको मौका प्राप्त गर्ने छन् ।

स्काईवेलको ईटी ५ लङ् रेन्ज भेरियन्ट हो जसको विक्री मूल्य १ करोड १५ लाख रहेको छ । भने स्काईलेलको विई ११–४१० किमी ७९ लाख ९० हजारर विई ११–५२० किमी ८९ लाख ९० हजार पर्न जान्छ । स्काईवेलका यी दुवै मोडल फुल साइज एसयुभी हुन् । १९० एमएम ग्राउन्ड क्लियरेन्स रहेका अत्याधुनिक सुविधा र फिचरका साथमा आउने यी दुवै एसयुभीमा उपलब्ध लक्जिरीका कारण बिजनेस क्लास एसयुभी पनि भनेर चिनिँदै आएको छ ।

स्काईवेलले भक्तपुरको राधेराधे र इटहरीमा अत्याधुनिक सर्भिस सेन्टर सञ्चालनमा ल्याइसकेको छ । भने नक्साल, राधेराधे, विराटनगर, इटहरी, चितवन र पोखरमा विक्री कक्षहरू सञ्चालन आइसकेका छन् ।