काठमाडौं । वरिष्ठ मनोचिकित्सक एवं पूर्व स्वास्थ्य सचिव डा. निराकारमान श्रेष्ठको मनोस्वास्थ्य तथा मनोरोग पुस्तक सार्वजनिक भएको छ । डा. श्रेष्ठको उक्त पुस्तक हालै सार्वजकि भएको हो ।
यस पुस्तकमा मानसिक स्वास्थ्य र यसको महत्त्व, मानसिक रुपले स्वस्थ रहने उपाय, मानसिक रोगसम्बन्धी केही आत्मविश्वास तथा गलत धारणा, मानसिक रोगका मोटामोटी प्रकार, जनरलाइज्ड एड्जाइटी डिसअर्डरलगायत विष्यवस्तुबारे प्रकाश पारिएको छ ।
त्यस्तै, फोबिक डिसअर्डरदेखि हिस्टेरिया, आत्महत्या, सुस्तमनस्थिति, माइग्रेन, अल्जाइमर्स र नेपालमा मानसिक रोगको उपचारमा देखिएका समस्या र निकारकणबारे पुस्तकमा चर्चा गरिएको छ ।
विभिन्न धार्मिक सूक्ति र नीतिशतकका केही दृष्टान्त दिँदै आध्यात्मिक ज्ञानको आधारमा लागूऔषध दुर्व्यसनका विभिन्न पक्षबारे चर्चा गर्दै मनुष्य जीवनमा शान्ति तथा सुख प्राप्त गर्ने तरिका, चञ्चल मनको नियन्त्रण, विपद् रोकथाम तथा विपद व्यवस्थापन दुव्र्यसनको उपचार पद्धतिबारे पुस्तका प्रट पारिएको छ ।
डा श्रेष्ठले मानसिक रोगको औषधोपचार गराउँदा बिरामीको हेरचाह गर्ने व्यक्ति तथा परिवारले बुझ्नुपर्ने र ध्यान दिनुपर्ने कुरादेखि मानसिक स्वास्थय सेवालाई सुदृढ तथा सशक्त पार्ने उपायबारे उल्लेख गर्दै मानसिक रोगसम्बन्धी केही अन्धविश्वास तथा गलत धारणाबारे बुुँदागत रुपमा प्रष्ट पारेका छन् ।
मनोचिकित्सक श्रेष्ठले मनोरोगका प्रकार, अवस्था आदि विषयमा विस्तृत प्रकाश पार्नुका साथै हजारौँ रोगीसँगको आफ्नो अनुभवलाई समेटेर पुस्तकको आकार दिएका हुन् ।
Leave a Reply