काठमाडौं । नेकपा माओवादी केन्द्रबाट निर्वाचित स्थानीय तहका जनप्रतिनिधिहरूले ३० बुँदे प्रतिबद्धता पारित गरेका छन्।
काठमाडौंमा हालै भएको पालिका प्रमुखहरूको राष्ट्रिय भेलाले सामूहिक प्रतिबद्धता जनाएको हो।
प्रतिबद्धता पत्रमा भनिएको छ, ‘पालिकामा हुने काममा अनियमितता र भ्रष्टाचार हुन दिने छैनौँ। पालिकामा सुशासन सुनिश्चित गर्नेछौँ।पालिकाहरूमा सरलीकृत प्रक्रिया, प्रविधिको प्रयोग, घरदैलो सेवा र तत्काल गुनासो सुनुवाइको माध्यमबाट सार्वजनिक सेवा प्रवाहलाई अझ बढी द्रुत र सेवाग्राहीमैत्री बनाउनेछौँ ।’
ज्येष्ठ नागरिक तथा अन्य लक्षित समूह केन्द्रित सामाजिक सुरक्षा भत्ता घर घर मा नै उपलब्ध गराउने उल्लेख छ।
गुणस्तरीय बालविकास, बाल शिक्षा, प्राथमिक वा आधारभूत शिक्षा, माध्यमिक शिक्षा, प्राविधिक तथा व्यावसायिक शिक्षाको रणनीति र कार्य योजना निर्माणलाई अझ वैज्ञानिक, वस्तुपरक, प्रभावकारी र परिणाम बनाउँदै गुणस्तरीय शिक्षामा सर्वसुलभ पहुँचलाई सुनिश्चित गर्न प्राथमिकताका साथ जोड दिएको छ।
Leave a Reply