सहज जितसँगै दोस्रो स्थानमा उक्लियो रियल मड्रिड

काठमाडौं । स्पेनिस ला-लिगाको २५ औँ चरणको खेल सकिदा उपाधि होड भने थप रोचक बनेको छ । लिगको अब १३ खेल बाकी रहँदा तुरुन्तै विश्लेषण गर्न नसकिए पनि उपाधिको लागि तीन टिमको कडा प्रतिस्पर्धा हुने देखिएको हो ।

आइतबार रातिको खेलमा रियल मड्रिडले गिरोना लाई २-० ले पराजित गरेसँगै रियल दोस्रो स्थानमा उक्लिएको छ । रियलको जितमा लुका मड्रिकले ४१ र भिनियस जुनियरले ८३ औ मिनेटमा गोल गरे ।

जितपछि रियलको २५ खेलबाट ५४ अङ्क पुगेको छ र उ तालिकाको दोस्रो स्थानमा उक्लिएको छ । समान खेलबाट समान अङ्क जोडेको बार्सिलोना भने गोल अन्तरको आधारमा पहिलो स्थानमा छ ।

तेस्रो स्थानको एट्लेटिको मड्रिडको ५३ अङ्क छ । रियल सङ्ग पराजित भएको गिरोनाको ३१ अङ्क भएको छ भने उ तालिकाको १२ औँ स्थानमा छ ।

आइतबार नै भएको अर्को खेलमा एथलेटिक बिल्बाओले रियल भालाडोलिडलाई ७-१ को विशाल गोलले पराजित गरेको छ ।