२७ सय ५५ को विन्दुमा पुग्यो नेप्से

काठमाडौं । यो साता कारोबारको पहिलो दिन नेपाल स्टक एक्सचेञ्ज (नेप्से) परिसूचक दोहोरो अंकले बढ्दा कारोबार रकम पनि बढेको छ । नेप्से परिसूचक ११ दशमलब ६६ अंकले बढेर दुई हजार सात सय ५५ दशमलब ४० को विन्दुमा कायम भएको हो ।

आज तीन सय २८ कम्पनीको दुई करोड १२ लाख छ हजार कित्ता शेयर एक लाख आठ हजार ९१३ पटक खरिदबिक्री हुँदा ११ अर्ब ५४ करोड ८३ लाख ३७ हजार ६१२ बराबरको कारोबार भएको नेप्सेले जनाएको छ ।

आजको कारोबारमा बैंकिङ शून्य दशमलव शून्य तीन, लगानी एक दशमलब ३३, जीवन बीमा शून्य दशमलव ८६, उत्पादन तथा प्रशोधन दुई दशमलब ७८, म्युचुअल फण्ड शून्य दशमलब शून्य दुई, निर्जीवन बीमा शून्य दशमलब १३ र अन्य समूह तीन दशमलब ७२ प्रतिशतले बढेको छ । अरु सबै समूहको उपसूचक घटेको छ ।

विकास बैंक शून्य दशमलब ४८, वित्त शून्य दशमलव ४५, होटल तथा पर्यटन शून्य दशमलब ५०, जलविद्युत् शून्य दशमलव ५६, लघुवित्त शून्य दशमलव ६६ र व्यापार समूह एक दशमलव ३२ प्रतिशतले घटेको हो । गार्डियन माइक्रो लाइफइस्योरेन्स लिमिटेडको शेयर मूल्यमा सकारात्मक सर्किट लागेको छ । सबैभन्दा धेरै घट्नेमा भने रिलायन्स फाइनान्स लिमिटेडको शेयर मूल्य सात दशमलव २४ प्रतिशतले घटेको छ ।

कारोबार रकम र कारोबार भएका शेयर सङ्ख्याका आधारमा सबैभन्दा बढी हिमालयन रिइन्स्योरेन्स लिमिटेडको ९५ करोड ६४ लाख ५१ हजार ३६६ बराबरको नौ लाख ९० हजार छ सय ७२ कित्ता शेयर किनबेच भएको छ ।