काठमाडौं । नेकपा एसको केन्द्रीय कमिटीको बैठक सुरू हुन लागेको छ । जावलाखेलस्थित प्रशासनिक प्रशिक्षण प्रतिष्ठानमा बस्ने बैठकमा सहभागी हुन नेताहरू बैठकस्थलमा आउन थालेका छन् ।
यसअघि विहीबारलाई तय बैठक पार्टीका पोलिटब्युरो सदस्य तथा बागमती प्रदेश सहइन्चार्ज विदुर सापकोटाको निधनपछि स्थगित गरिएको थियो ।
बैठकमा पार्टी अध्यक्ष माधवकुमार नेपालको राजनीतिक प्रतिवेदन, पार्टी नियमावली, विनियम, निर्देशिका, आचारसंहिता, पार्टीको १० औँ राष्ट्रिय महाधिवेशनको समीक्षा, आन्दोलनद्वारा पार्टी निर्माणसम्बन्धी आगामी कार्ययोजनाबारे छलफल हुँदैछ ।
त्यस्तै जनजीविका र सुशासनका सवालमा आन्दोलनका कार्यक्रम घोषणा गर्ने पनि नेकपा एसको तयारी छ ।
Leave a Reply