सम्वन्धविच्छेदको मुद्दा टुंगिएपछि शिल्पा ओशोको शरणमा, यस्ताे पाइन् नयाँ नाम

काठमाडौं । अभिनेत्री शिल्पा पोखरेल ओशो सन्यासी बनेकी छिन् । ओशो तपोवन पुगेर उनले स्वामी आनन्द अरुणबाट ‘नवसन्यास दीक्षा’ ग्रहण गरेको अभिनेत्री तथा ओशोमार्गी सोधिता सिम्खडाले बताइन् ।

शिल्पा ओशोमार्गी बनेको जानकारी दिँदै सोभिताले लेखेकी छन्, ‘शिल्पा पोखरेलले ओशो तपोवनमा बोधिसत्व स्वामी आनन्द अरुण ज्युको हातबाट ओशोको नवसन्यास दिक्षा ग्रहण गरी माँ प्रेम हाँस्या बनेकोमा अत्यन्त हर्षित छु ।’

शिल्पा ओशोमार्गी बनेको फोटो र भिडियो पनि सोभिताले सामाजिक सञ्जालमा लेखेकी छन् । साथै अबको अध्यत्मिक यात्राले नयाँ जिन्दगी निर्माण गरी भविष्य तर्फ डोर्याओस् भनेर कामना समेत गरेकी छन् ।

चलचित्र ‘लज्जा’बाट अभिनय क्षेत्रमा प्रवेश गरेकी शिल्पाले नौवटा चलचित्रमा अभिनय गरिसकेकी छन् । उनको पछिल्लो चलचित्र ‘भिलेन’ सात वर्षअघि प्रदर्शन भएको थियो ।

यो बीचमा चलचित्र नखेले पनि पूर्वपति छविराज ओझासँगको वैवाहिक सम्बन्धका कारण चर्चामा रहिन् ।

एक महिनाअघि मात्रै शिल्पा र छविराजबीच कानुनी रुपमा सम्बन्ध विच्छेद भएको थियो । शिल्पाले छविराजबाट पाँच करोडको घर लिएको समाचारहरु बाहिरिका थिए । तर, शिल्पाले यो विषयलाई नकार्दै आएकी छन् ।