सर्त अनुसार हमासले तीन बन्धक छोड्दा इजरायलले छोड्यो ९० प्यालेस्टाइनी कैदी

काठमाडौं । इजरायल र हमासको शान्ति सम्झौता अनुसार इजरायलले ९० प्यालेस्टानी कैदीहरू छोडेको छ भने हमासले तीन बन्धक छोडेको छ ।

बेलायती विश्व सेवाका अनुसार छोडिएका कैदीहरूमा धेरैजसो महिला र बालबालिका रहेका छन् ।

हमासले छोडेका तीन बन्धकमा पनि ३१, २९ र २४ वर्षका महिलाहरू मात्रै छन् ।

आइतबारबाट युद्ध बिराम भएसँगै गाजाको रेड क्रसलाई हमासले तीन बन्धक बुझाएको थियो ।

हमासले एक बन्धक बराबर ३० प्यालेस्टाइनी कैदीहरू रिहाइ हुनुपर्ने सर्त अनुसार रिहाइ भएको हो ।