काठमाडौं । इंग्लिस प्रिमियर लिग (इपीएल)को जारी सिजनमा अण्डरडगको रूपमा देखा परेको नटिघंम फरेस्टले आफ्नो सनसनीपूर्ण यात्रालाई कायम राख्दै २२ खेलमा १३ औँ जित दर्ता क्रममा साउथह्याम्पटनलाई पराजित गरेको छ ।
आइतबार भएको खेलमा विजय हुने क्रममा नटिघंम साउथह्याम्पन्टनलाई ३-२ ले पराजित गरेको हो । नटिघंमलाई जित दिलाउन इलेट एन्डरसन, हडसन ओडोइ र क्रीस उडले गोल गरे ।
घरेलु रंगशालामा भएको खेलमा नटिघंमको तर्फबाट ११ औँ मिनेटमा एन्डर्सनले गोल गर्दै टिमलाई पहिलो अग्रता दिलाए । घरेलु टोलीको लागि दोस्रो गोल खेलको २८ औँ मिनेटमा ओडोइले गर्दै टिमलाई २-० को अग्रता दिलाए ।
नटिघंमले पहिलो हाफको ४१ औँ मिनेटमा उड मार्फत तेस्रो गोल गर्दै आफूलाई बलियो बनायो ।
तर साउथह्याम्पन्टनले ६० औँ र ९१ औँ मिनेटमा गोल गर्दै कम्तीमा बराबरी गर्ने प्रयत्न गरेको थियो तर तेस्रो गोल गर्न नसक्दा खेल नटिघंमले जित्यो ।
जितपछि नटिघंमको २२ खेलबाट ४४ अङ्क पुगेको छ र तेस्रो स्थानमा कायम छ । समान खेल खेलेको आर्सनल पनि समान अङ्क सहित गोल अन्तरको आधारमा दोस्रो स्थानमा छ ।
Leave a Reply