कीर्तिपुर मेयरको दौडबाट रास्वपाको ‘वाकओभर’, स्वतन्त्रलाई समर्थन गर्ने तयारी

काठमाडौं । राष्ट्रिय स्वतन्त्र पार्टी (रास्वपा)ले कीर्तिपुर नगरपालिकाको मेयरमा उम्मेदवारी नदिने भएको छ । चाहे जस्तो उम्मेदवार नभेटिएपछि चुनावी प्रतिस्पर्धा नगर्ने निष्कर्षमा पुगेको पार्टी स्रोतले बतायो ।

उम्मेदवारी मनोनयन दर्ताको अन्तिम क्षणसम्म पनि रास्वपाले आफ्ना उम्मेदवारहरुको टुंगो लगाउन सकेको छैन । केहीबेर अघि आयोजित पत्रकार सम्मेलनमा पार्टीका नेताहरुले कीर्तिपुरसहित सबै स्थानमा काम भइरहेको बताएका छन् ।

यद्यपि स्रोतका अनुसार कीर्तिपुरमा उम्मेदवारी नदिने निधो भइसकेको छ । त्यहाँ स्वतन्त्र उम्मेदवार बनेकाहरुमध्ये एकजनालाई पार्टीले समर्थन गर्नेछ ।