असाेज भित्रमा राेयल्टी र आरटीडीएफ रकम बुझाउन यी ६१ कम्पनीलाई दूरसञ्चार प्राधिकरणकाे निर्देशन

काठमाडाैं । नेपाल दूरसञ्चार प्राधिकरणले अनुमतिपत्र प्राप्त सेवा प्रदायक कम्पनीहरुलाई अडीटेड वित्तीय विवरण र साे विवरण अनुसारकाे बझाउनुपर्ने कूल आम्दानीकाे राेयल्टीबापतकाे ४ प्रतिशत र ग्रामीण दूरसञ्चार विकास काेष बापतकाे रकम (RTDF) काे २ प्रतिशतले हुने रकम असाेज मसान्तभित्र बुझाउन निर्देशन दिएकाे छ ।

साेमवार सूचना जारी गर्दै प्राधिकरणले त्यसबापतकाे रकम २०८० पुस मसान्तभित्रै बुझाउन भनिएपनि ४० वटा सञ्चार तथा इन्टरनेट सेवा प्रदायक कम्पनीहरुले वित्तीय विवरण, RTDF  रकम तथा रोयल्टी नबुझाएको र २१ वटाले नियमानुसार RTDF रकम तथा रोयल्टी नबुझाएको उल्लेख गरेकाे छ ।

उनीहरुलाई नियमानुसार लाग्ने थप दस्तूरसहितकाे राेयल्टी रकम सञ्चार तथा सूचना प्रविधि मन्त्रालयकाे राजश्व खातामा र ग्रामीणा दूरसञ्चार विकास काेषकाे रकम प्राधिकरणकाे खातामा दाखिला गरी भाैचर र कम्पनीकाे अडिटेड वित्तीय विवरणसहित बुझाउन प्राधिकरणाले सूचनामार्फत आग्रह गरेकाे छ ।

कम्पनीका सूची