झलनाथको विश्लेषण- जबज छाडेर एमालेले समाजवादको कुरा नगरे टिक्दैन

काठमाडौं । नेकपा एकीकृत समाजवादीका सम्मानित नेता झलनाथ खनालले समाजवादको बाटोमा अघि नबढे एमाले नटिक्ने टिप्पणी गरेका छन्। हेटौंडा उपमहानगर कमिटीको प्रथम अधिवेशनलाई सम्बोधन गर्दै आफूहरु समाजवादी क्रान्तिको दिशामा अघि बढेको जिकिर गरे।

उनले भने, ‘समाजवादी कार्यक्रम अब हामी महाधिवेशन मार्फत् कार्यपद्धति ल्याउँछौं। एमालेले अहिले पनि जबज भनिरहेको छ। तर, अरु पार्टीले समाजवादी कुरा गरिरहेका छन्। एमालेले पनि कुनै समयबाट समाजवादको कुरा गर्नुको विकल्प छैन। समाजवादको कुरा गर्दैन भने एमाले टिक्दैन। त्यो कुरा एमालेले बुझे हुन्छ।’

उनले पूँजीवादी व्यवस्थाको कारणले जनतालाई ठिक ढंगले अघि बढाउन नसकेको उनको भनाइ छ।