राप्रपाका मन्त्रीलाई लक्षित गर्दै सांसद पन्तले भने- संविधानअनुसार शपथ लिएपछि व्यवस्थामाथि प्रश्न उठाउन मिल्दैन (भिडिओ)

काठमाडौं । नेकपा एमालेले संविधानमाथि नै प्रधानमन्त्री र मन्त्रीहरूको अभिव्यक्ति बाझिएकोप्रति असन्तुष्टि जनाएको छ।

बुधवारको प्रतिनिधि सभाको बैठकमा बोल्दै एमाले सांसद रघुजी पन्तले संविधानअनुसार मन्त्रीमा शपथ लिएका मन्त्रीहरूले व्यवस्थामाथि प्रश्न उठाउन नमिल्ने बताए।

उनले भने, ‘प्रधानमन्त्री र मन्त्रीहरूको सार्वजनिक विवाद आएको राम्रो होइन। त्यसबारेमा छलफल आवश्यक भए क्याबिनेटमा गर्नुहोस्। तर, संविधानको आधारभूत संरचनाको बारेमा प्रधानमन्त्री र मन्त्रीहरूको धारणा बाझिने कुरा मुलुकको लोकतन्त्रको लागि राम्रो लक्षण होइन।’

केही समय अघि राप्रपाका मन्त्रीहरूले संघीयताविरुद्ध बोलेपछि प्रधानमन्त्री पुष्पकमल दाहाल प्रचण्डले सरकारमा बसेर संघीयताको विरोध गर्ने छुट नभएको बताएका थिए।