काठमाडौं । नेपाली कांग्रेसका सभापति शेरबहादुर देउवाले गठबन्धन वर्षौंसम्म बचाएर लैजानुपर्ने बताएका छन् ।
काठमाडौंमा आयोजित संयुक्त चुनावी सभालाई सम्बोधन गर्दै देउवाले धेरै वर्षसम्म गठबन्धन टिकाउनु नै सबै पार्टीको हितमा हुने बताए । ‘म त भन्छु यो गठबन्धन धेरै वर्षसम्म बचाउनुपर्छ । गठबन्धन गर्दा सबैलाई फाइदा हुन्छ’, देउवाले भने ।
गठबन्धनकै कारण मुलुकले केपी ओलीको अतिवादबाट मुक्ति पाएको भन्दै देउवाले ओलीशासन नबिर्सिन काठमाडौंबासीलाई आग्रह गरे ।
‘म प्रधानमन्त्री भएपछि सबैले ओलीशासनबाट मुक्ति पायौं भनेको होइन ? ८-९ महिनामै बिर्सनु हुँदैन’, उनले भने ।
मन्तव्यको अन्त्यमा देउवाले भने, ‘गठबन्धन जिन्दावाद, जिन्दावाद, जिन्दावाद । गठबन्धनलाई जिताउनुपर्छ, जिताउनुपर्छ , जिताउनुपर्छ ।’
Leave a Reply