सुर्खेत । नेकपा एस दैलेखकी जिल्ला कमिटी उपसचिव अमृता लामिछाने मगर नेकपा एमालेमा प्रवेश गरेकी छिन् । नेकपा एस दक्षिणपन्थी भएको र कम्युनिष्ट आन्दोलन कमजोर भएको भन्दै उनी एमालेमै फर्किएकी हुन् ।
उनीसहित नेकपा एसका जिल्ला कमिटी सदस्य एवम् अनेरास्ववियू केन्द्रीय सचिवालय सदस्य रवीन्द्र प्रसाद पाण्डेसँगै अखिल जिल्ला अध्यक्ष रोहित लामिछाने मगर पनि एमालेमै फर्किएका हुन् ।
‘हामी बाटो बिराएर सत्ताविना एकक्षण बाहिर बस्न नसक्ने समूहमा गएका थियौं’, अमृताले भनिन्, ‘ढिलै भएपनि हामी आफ्नै मूलघरमा फर्किएका छौं ।’
उनले बाटो बिराएर अन्यत्र गएकाहरुलाई पनि एमालेमै फर्किन आग्रह गरिन् ।
Leave a Reply