आफ्नै मृत्युको झुटो खबरबारे यस्तो भन्छन् अभिनेता खान

मुम्बई । पछिल्लो केही वर्षयता मिडियाहरुमा बलिउड अभिनेता फरदीन खानको दुईपटक मृत्यु भएको हल्ला चलेको छ । उनको कार दुर्घटनामा परि मृत्यु भएको हल्ला थियो । फरदीनले यसप्रति आफ्नो असन्तुष्टि व्यक्त गर्दै भने, ‘यो झुटो खबरको बारेमा आफ्नो परिवार वा साथीभाइले थाहा पाए भने के होला ?’

हालै उनले एक अन्तवार्तामा भने, ‘दुईपटक मेरो दुर्घटनामा मृत्यु भएको खबर फैलिएको थियो । यो झुटो समाचारले मलाई विचलित तुल्यायो, यदि मेरी आमाले यो देखेको भए हर्टअट्याक नै हुने थियो । मेरो श्रीमती या कसैले यो समाचार पढे भने, त्यसैले मलाई यो गैरजिम्मेवारीपनले रिस उठ्यो। मलाई लाग्छ यो धेरै पहिलेको कुरा हो जब रामपालले मलाई पहिलो पटक ‘तिमी ठीक छौरु’ भनेर फोन गर्यो । मलाई थाहा छैन कि उनले म मरेको छु वा जिउँदै छु भनेर फोन गरेका थिए ।

फरदीन हरर ड्रामा फिल्म ‘विस्फोट’ बाट बलिउडमा कमब्याक गर्दैछन् । अभिनेता पछिल्लो पटक २०१० मा आएको फिल्म ‘दुल्हा मिल गया’ मा देखिएका थिए, जसमा सुस्मिता सेन पनि मुख्य भूमिकामा थिइन् ।

चलचित्रलाई लिएरउनी निकै उत्साहित छन्, उनले सन्देश लेख्दै भनेका छन्, ‘फिल्ममा आउन पाउँदा खुसी छु, तपाईहरू सबैलाई भेट्नको लागि उत्साहित छु, चाहे त्यो टिभि पर्दामा होस् वा सिनेमा पर्दामा। फरदीनको बारेमा तपाईहरुले के सोच्नुहुन्छ भनेर हेर्न म पर्खन सक्दिन।’