बंगलादेशमा हिन्दूहरूमाथि गरिएको आक्रमणको काठमाडौंमा विरोध (तस्बिरहरू)

काठमाडौं । बंगलादेशमा मुस्लिम समुदायले अल्पसंख्यक हिन्दूहरुमाथि गरेको आक्रमणलाई लिएर काठमाडौंमा प्रदर्शन गरिएको छ । हिन्दूवादी संघसंस्थाको अगुवाइमा काठमाडौंस्थित बंगलादेशी दूतावास अगाडि शान्तिपूर्ण प्रदर्शन गरिएको हो ।

प्रदर्शनका सहभागीले ‘बंगलादेशका हिन्दूहरूलाई न्याय देऊ’ लेखिएको ब्यानर तथा प्लेकार्ड बोकेका थिए । करिब दुई दर्जन व्यक्तिहरू प्रदर्शनमा सहभागी भए ।

बंगलादेशमा पछिल्लो साता अल्पसंख्यक हिन्दूहरुमाथि मुसलमान समुदायले ज्यादति गरिरहेका छन् । हिन्दूका मन्दीर तोडफोड गर्नेदेखि घरमा आगो लगायत कार्यहरु भएका छन् । मुस्लिमको आक्रमणमा अहिलेसम्म ६ जना हिन्दू धर्माबलम्बीका मृत्यु भएको छ ।