दसैं गजल

साँच्चै सुख, शान्ति र समृद्धिको गीत गाउन पाइयोस्,
हर्ष, खुशी साटासाट सँगैको उन्मादमा रमाउन पाइयोस् ।।।

भेटिउन् टाढिएका आफन्त अनि छुटिएका मनहरु,
न्यास्रीएका आमा बा अनि सन्तानहरुसँग मनाउन पाइयोस् ।।।

हाम्रो सान हो, पहिचान हो चाडपर्व अनि संस्कृति,
शिष्ट र सभ्य हुँदै दशैँको मर्म बचाउन पाइयोस्।।।

मान्यजनबाट आशीर्वाद, साथी संगीहरुमाझ शुभकामना,
आपसमा आदर सम्मान र प्रेम भाव जगाउन पाइयोस्।।।

भाषा,जातजाति, भेषभुषा र भुगोल हाम्रा गहना हुन्,
सामाजिक बिकृती र बिसङ्गती सदाका लागी हटाउन पाइयोस्।।।

पबित्र माटोमा उमारिएका जमरा र राता अक्षताहरु जस्तै,
सुन्दर रहोस् बाँकी जीवन, जसलाई मनमा सजाउन पाइयोस् ।।।

सूर्य न्यौपाने
उत्तरगया-४, रसुवा 
हालस् प्रभु बैंक लिमिटेड
शाखा कार्यालय, बट्टार नुवाकोट ।