एकता पक्षधरलाई राजेन्द्र राइको व्यङ्ग्यात्मक सुझाव- एमालेभित्रै बसेर संघर्ष गरे कसो होला ?

काठमाडौं । प्रस्तावित नेकपा एकीकृत समाजवादीका नेता राजेन्द्र राईले माधव नेपाल पक्षधर एकता अभियानका नेताहरुलाई १० बुँदे सहमति कार्यन्वयनका लागि एमालेभित्रै बसेर संघर्ष गर्न सुझाव दिएका छन् ।

एकता अभियान तथा वार्ता टोलीका नेताहरूको भूमिकाप्रति शुरुदेखिनै असहमत रहँदै आएका राईले शनिबार आफ्नो धारणा व्यक्त गर्दै ओली प्रवृतिविरुद्ध एमालेभित्रै बसेर संघर्ष गर्नुपर्छ भन्नेहरुले उतै बस्दा हुने आशय व्यक्त गरेका छन् ।

राईले भनेका छन्- ओली यस्तो, त्यस्तो! तर ओली प्रवृत्ति, ओलिको गलत कामको विरुद्ध एमाले भित्रै बसेर संघर्ष गर्नु पर्छ भन्नेहरूले १० बुँदे… कार्यान्वयनको लागि एमाले भित्रै बसेर संघर्ष गरे कसो होला ?

नेता राईले १० बुँदे सहमतिको आशय फागुन २८ यताका सबै निर्णय स्वीकार गर्ने नै हो भन्दै जेठ २ अघि फर्किने कुरा १० बुँदेले खण्डित गरेको बताएका छन् ।