काठमाडौं । विवकेशील साझा पार्टीले आज भइरहेकाे राष्ट्रियसभा उपनिर्वाचनमा कुनै पनि उम्मेदवारको पक्षमा मतदान नगर्ने भएको छ ।
अहिले चुनावी मैदानमा रहेका कुनै पनि उम्मेदवारबाट पार्टीले अपेक्षा गरेको भूमिका निर्वाह नहुने ठहर गर्दै विवेकशील साझाले निर्वाचन प्रक्रियामा सामेल नहुने निर्णय गरेको हो ।
साे पार्टीका वागमती प्रदेश संसदीय दलका नेता रमेश पौड्यालले आज प्रेस विज्ञप्ति जारी गर्दै विवेकशील साझा पार्टीले स्थापनाकालदेखि नै उठाउँदै आएको मतपत्रमा नो भोट को विकल्प शीघ्र लागु गर्न समेत निर्वाचन आयोग समक्ष आग्रह गरेका छन् ।
वागमती प्रदेशमा विवकशील साझा पार्टीका तीन जना प्रदेश सभा सदस्य छन् ।
Leave a Reply