अमान्डा गोरम्यानका तीन पुस्तकलाई पेन्गुइनले १०/१० लाख प्रति छापिदिने

काठमाडौं । अमेरिकी राष्ट्रपति जो बाइडेनको सपथ ग्रहण समारोहमा कविता बाचन गरेर विश्व चर्चित बनेकी अश्वेत किशोरी अमान्डा गोरम्यानको प्रसिद्धी यत्तिकैमा सीमित छैन ।

अमेरिकी प्रकाशन गृह पेन्गुइनले गोरम्यानका तीनवटा अप्रकाशित पुस्तकलाई १०–१० लाख प्रति प्रकाशन गर्ने घोषणा गरेको छ । विश्वभरबाट उच्च मागपछि पुस्तकलाई छापेर बजारीकरण गर्ने निर्णय भएको पेन्गुइनले जनाएको छ ।

नयाँ पुस्तालाई समृद्ध मुलुक हस्तान्तरण गर्नुपर्छ भन्ने आशयको शक्तिशाली कविता बाइडेनको सपथ ग्रहणमा वाचन गरेपछि २२ वर्षे किशोरी ओभरनाइट विश्व चर्चित भएकी थिइन् ।

Great news: “Penguin announces ONE MILLION COPY first printings for @TheAmandaGorman books in response to overwhelming demand.” Her inaugural poem book is being rushed for March release; the original two books are slated for September.

— Brian Stelter (@brianstelter) January 28, 2021

‘हाम्रो मुख्य लक्ष्य भनेको सपथ ग्रहणमा वाचन गरिएको कविता ‘हामीले चढ्ने पहाड’लाई छापेर पाठकमाझ लैजानु हो’ पेन्गुइन योङ रिडर्सकी संचार अधिकृत शान्ता न्यूलिनले भनिन्, ‘मार्च १६ सम्म यी पुस्तक प्रकाशन हुनेछन् ।’

बाँकी दुई पुस्तकलाई सेप्टेम्बरसम्म प्रकाशन गरिने पेन्गुइनले जनाएको छ ।