सामाजिक काममा प्रधानमन्त्रीपत्नी शाक्य, पेन्सनको पैसा अस्मितालाई सहयोग

काठमाडौं । प्रधानमन्त्री केपी शर्मा ओलीकी पत्नी राधिका शाक्य सामाजिक काममा सक्रिय भएकी छिन् । उनले बुधबार समता स्कूलबाट संसारकै महंगो आईग्लोन् कलेज स्विट्जरल्याण्डमा छात्रवृत्तिमा पढ्न जान लागेकी अस्मिता अधिकारीलाई भेटेर आर्थिक सहयोग गरेकी छिन् ।

अस्मिताको निवासमा गएर उनलाई भेटेकी शाक्यले ल्यापटप किन्न ६० हजार रुपैयाँ प्रदान गरेकी हुन् । ‘तिमीले मिहेनत गरेर पढ्नुपर्छ,’ आर्थिक सहयोग हस्तान्तरण गदै शाक्यले भनेकी थिइन, ‘तिमीसँग सिंगो हामी सबैको देश नेपालको नाम जोडिएको छ।’

शाक्यले दिएको ६० हजार उनको पेन्सनको पैसा भएको बताइएको छ। उनले अस्मितालाई केही न्यानो कपडा, आईग्लोन् कलेजका सर एमसी डोनाल्डलाई नेपाली पस्मिना उपहारसमेत प्रदान गरेकी थिइन्।

उनी प्रधानमन्त्रीले नियमित रुपमा आयोजना गर्ने बालबालिकासँग प्रधानमन्त्री कार्यक्रममा  सहभागी हुन्छिन् ।