मैले सधैं मित्रताको अँगालो हाल्न खोज्ने, प्रचण्ड सधैं धृतराष्ट्र बन्न खोजेः ओली

काठमाडौं । प्रधानमन्त्री केपी शर्मा ओलीले आफूले सधैं कार्यकारी अध्यक्ष पुष्पकमल दाहाल ‘प्रचण्ड’सँग मित्रता गर्न खाेजेको बताएका छन् ।

‘मैले मित्रताको अँगालोे हाल्न खोज्ने तर उहाँ धृतराष्ट्र बन्न खोज्ने’ राजधानीमा आयोजित आफू पक्षीय सुदूरपश्चिम प्रदेशको भेलालाई सम्बोधन गर्दै ओलीले भने, ‘वामपन्थीसँग मिलेर चुनाव लड्ने तर सरकार दक्षिणपन्थीसँग बनाउन खोज्ने। लाज लाग्नुपर्ने होइन ?’

ओलीले छोरी जिताउन प्रचण्डले मतपत्र च्यातेर प्रजातन्त्र धुजा–धुजा पारेको टिप्पणी गरे। ‘छोरी जिताउन नसकेपछि मत पत्र च्यातेर प्रजातन्त्र धुजा–जुधा बनाउनुभयो’ उनले भने, ‘छोरी जिताउनकै लागि कांग्रेससँग मिल्नुभयो तर खासै उपलब्धि भएन ।’